Proizvođač igre Monopol, kompanija Hasbro, namjerava da proslavi 80. godišnjicu tako što će kupcima u Francuskoj poklanjati igre sa pravim novcem.
Kompanija će napraviti ukupno 80 setova sa pravim novcem, ali samo jedan u kojem će biti ukupno 20.580 eura.
Osim toga, proizvešće i deset setova koji će sadržati pet pravih novčanica od 20 eura, dvije novčanice od 50 eura i jednu novčanicu od 100 eura.
Preostalih 69 setova će imati po pet novčanica od 10 i 20 eura.
Tih posebnih 80 kutija biće sakriveno među 30.000 kutija različitih tipova igre, a to su klasični, junior, električni i “vintage”.
“Operacija” zamjene novca je napravljena tajno u gradu Creutzwald, gdje se setovi pakuju i isporučuju u Francusku, prenose mediji.
